تفاصيل جديدة في قضية صابرين التي تم رميها من قنطرة رادس

تابع الرأي العام التونسي قضية صابرين الفتاة التي تم رميها من قنطرة رادس يوم السبت من قبل عوني سجون وامني وصرحوا اثناء التحقيق ” الطفلة غفلتنا ورمات روحها من القنطرة ” فكان قاضي التحقيق بمحكمة بن عروس في الموعد وتفطن الى وجود جريمة قتل فاصدر في شأنهم بطاقة ايداع بالسجن .

ولكن في الواقع ليست بطاقة ايداع لأن ذلك يعني اثبات التهمة وماحدث هو تجديد الاحتفاظ اي مزالو قيد التحقيق على ذمة القضية .

وفي ذات السياق كشف أحد المقربين من الضحية تفاصيل عن الساعات القليلة قبل وفاة صابرين حيث كتب في صفحته أنه كان على اتصال بها ليلة الحادثة ليعلمها باعداد سيرة مهنية لتقدمها في وظيفة مع شركة قطرية وأكدت له ذهابها مع المتهم عادل وصديقه للحمامات .
وفي مايلي نص التدوينة التي أرفقها بصورة للمتهمين

“يوم السبت كلمت صبرين باش تعمل CV و نهار الاحد تعمل مقابلة مع شركة قطرية و قتلي حرفيا ماشية مع عادل و صاحبو لحمامات نعمل غطسة و نروح تاعبة نحب نرتاح و مانيش خارجة لسهرية
كلمتني قتلي بعثلي vocal فيه تفاصيل باش تعمل CV
الساعة 4 بوقت تونس قتلي CV حاضر نكمل الغطسة و نمشي نهزوم بعد انقطعت الأخبار من الساعة 8 بوقت تونس كنت نكمل في قضياتي
الي صار بعد
المرحومة تلقات الساعة 3 ليلا تحت قنطرة رادس في نفس الليباس الي مشات بيه للبحر الي بلغ حارس أو أحد المارة الي كانت معاهم وين علاش خلاوها و هي دبشها في دار عادل مع العلم المرحومة مدة اكثر من شهر شكاتلي من عادل يعنف فها و زرقلها عينها حالة المرحومة ضربة على الرأس من وراء مع كدمات على الجسم
تقرير الطب الشرعي الاولي 99.99 موت غير طبيعية و غير ناتجة على السقوط من مرتفع بالرجوع على تقرير الشرطة الفنية المرحومة تلقات على وجها قتلوها و لوحوها من فوق القنطرة
هذي صورة المضنون فيهم عادل و محمد علي إطارات في المحكمة
حق صبرين في رقبتكم ليوم هي غدوة أنت ولا بنتك ولا اختك
في انتظار تحديد ساعة الوفات في التشريح الكامل الليلة
يرحمك و ينعمك يا عشيرتي Sa Brîna”

oussama Hamraoui

See author's posts